Charter Document - 02194873
| Charter Number: | 02194873 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1246 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Reverentissimo patri in Christo Domino V Dei gratia Cluniacensi abbati frater A humilis prior Figiacensis ecclesie totusque ejusdem loci conventus salutem et honorem obedientie Paternitati vestre venerande dirigimus dilectos fratres nostros decanum infirmarium ecclesie nostre et priorem Gardeliaci quibus tanquam nobis super confirmatione postulati et super aliis negotiis ecclesie nostre credatis tanquam filii obedientie deprecantes paternitatem vestram quatinus vos inveniant favorabilem et benignum cum ecclesia nostra sit magnis et multis debitis onerata propter causam sive discordiam quam cum burgensibus Figiacensibus longo tempore dignoscitur habuisse Et quia sigillum conventuale non habemus sigillum prioris nostri presenti cartule fecimus apponi Datum anno Domini MCCXL quinto secunda feria post Epiphaniam Domini