Charter Document - 02194872
| Charter Number: | 02194872 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1246 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Religioso viro et discreto et domino suo karissimo venerabili Dei gratia abbati Cluniacensi P divina miseratione Tutellensis abbas salutem et obedientie in Domino karitatem Cum Aldemarus cellerarius Aureliacensis concorditer et canonice in abbatem Figiacensem fuerit postulatus et postulationi de se facte assensum prebuerit de voluntate abbatis sui abbatis Aureliacensis sicut a fide dignis audivimus discretionem vestram duximus exorandam et rogandam amicabiliter et attente quatinus dictum Aldemarum virum utique providum et discretum qui bone fame et laudabilis conversationis existit prout humana fragilitas nosse sinit recommendatum habentes postulationem de ipso factam a Figiacensi capitulo dignemini confirmare et ipsum in suis justis petitionibus exaudire cum ad regimen Figiacensis ecclesie idoneus reputetur Datum apud Aureliacum quarta feria ante instans festum Epiphanie anno Domini MCCXLV