Charter Document - 02194869
| Charter Number: | 02194869 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Recommendation |
| Date: | 1245 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Reverendo patri ac domino G[uillelmo] abbati Cluniacensi frater M prior de Najara salutem et obedientiam tam debitam quam devotam Gunsalvus lator presentium devotus et fervens erga ordinem et matrem suam ecclesiam Cluniacensem instabat nobis sine intermissione cum precibus ut sibi concederemus ire ad matrem suam ecclesiam quam cum ingenti affectu videre affectabat Cujus voto anime sue salubri adquiescentes misimus ipsum ad vos pro eodem paternitatem vestram exorantes quatinus ipsum in claustro Cluniacensi faciatis benigne recipi et tractari Nam a pueritia in claustro Carrionensi se ordini Cluniaci subdidit et ibidem in Dei obsequio penitus laboravit honestam et religiosam conservante Domino ducens vitam