Charter Document - 02194860
| Charter Number: | 02194860 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1245 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Reverentissimo in Christo patri ac domino V[go] Dei gratia Cluniacensi abbati A humilis prior Figiacensis salutem reverentiam et honorem Paternitatem necnon sanctam religionem vestram credimus non latere qualiter propter malitiam et sevitiam populi Figiacensis in preterito oportuit nos exire a villa Figiacensi et remansit ecclesia suis ministris desolata Sed mediante compositione venerabilis patris Parisiensis episcopi in quo compromissum fuit ab utraque parte super controversiis et damnis illatis ecclesie et jurejurando fuit firmatum fuit per ipsum episcopum diffinitum Modo consules et universitas fracta religione sacramenti quod deductum fuit in compromissum et sententiando promulgatum solita malignitate non observant imo penitus omnes proventus retinent a quibus conventus in vestibus et victualibus sustentabatur Preterea noscat sanctitas vestra quod villa est in tanta seditione et periculo propter discordiam que est inter burgenses et populum Figiacensem quod multum timetur de destructione ville pariter et monasterii Unde discretionem vestre paternitatis humiliter et devote requirimus quatinus consilium et auxilium vestrum electo nostro impendatis ut ecclesia nostra jura sua possit coram domino rege vel coram summo pontifice secundum quod melius vobis videbitur obtinere Et hoc si placet faciatis quam citius poteritis quia periculum est in mora Et quia sigillum conventuale non habemus sigillo venerabilis patris abbatis Mauziacensis presentes litteras fecimus sigillari