Charter Document - 02194850
| Charter Number: | 02194850 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1245 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Innocentius Episcopus servus servorum Dei dilecto filio Abbati Cluniacensi salutem et Apostolicam benedictionem Cum sicut nobis exponere curavisti fuerit per Apostolice sedis providentiam que libenter precavere dispendiis Cluniacensis Ordinis consuevit prohibitum et statutum ne ordinis ejusdem Priores absque Patris Abbatis vel Patris Prioris consilio et assensu concedant aliquibus pensionem seu prebendam etiam Monachalem quidam Priores et conventus Ecclesiarum immediate Cluniacensi Monasterio subjectarum absque tuo et tuorum predecessorum assensu quibusdam Clericis et Laicis pensiones et prebendas hujusmodi concesserunt contra inhibitiones et statuta predicta temere veniendo in Ecclesiarum ipsarum non modicam lesionem Quare nobis humiliter supplicasti ut cum Ecclesie ipse debitorum onere sint gravate in hac parte indemnitati ipsarum providere misericorditer curaremus Tue itaque devotionis precibus inclinati quod dictarum Ecclesiarum Priores et Conventus ad solutionem pensionum et prebendarum contra inhibitionem prefatam de cetero compelli non possint auctoritate presentium indulgemus Nulli ergo [] Datum Lugduni VIII Kalendas Septembris Pontificatus nostri anno III