Charter Document - 02194832
| Charter Number: | 02194832 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Renunciation |
| Date: | 1245 |
| Date type: | Internal, A.D., Calendar |
| Resource Link(s): |
CCE: cartae cluniacenses electronicae |
Charter:
Religiosis viris et patribus suis in Christo karissimis J priori Cluniacensi et toti sacro ejusdem conventui frater R[aimundus] dictus abbas Moisiacensis salutem cum omni subjectione reverentia obedientia et honore Cum in aliis litteris quas vestre sanctitati transmittimus per karissimos nostros B de Ordine et G decanum Cluniacensem propositum nostrum ex certa scientia non duxerimus revelandum ne videlicet occasione hujusmodi revelationis aliquid posset ab aliquibus super future electionis negotio attemptari ne tamen super tanto facto vos teneamus diu frustra suspensos pro certo vobis significamus quod preter alios magnos defectus quos patimur tanta debilitate corporis laboramus quod in tanta ecclesia et in membris suis tam longe lateque diffusa insufficientes et impotentes sumus ad exercendum officium pastorale Ideoque paternitati vestre instantia quanta possumus supplicamus quatinus non obstante electione de persona nostra facta ecclesie viduate de pastore curetis idoneo providere habentes nos in hac parte misericorditer excusatos Datum Moisiaci nono kal aprilis anno ab incarnatione Domini MCCXLIIII