Charter Document - 02194821
| Charter Number: | 02194821 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1244 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Notum sit universis presentes litteras inspecturis quod nos Guichardus dominus de Yone et Philippus de Castellione miles promittimus bona fide tactis sacrosanctis evangeliis vobis domino abbati Cluniacensi et conventui ejusdem loci quod nos servabimus indempnes vos et vestros res vestras et vestrorum ab omni dampno atque gravamine quod posset evenire vobis vel vestris ratione cujuslibet querele que ab aliquo vel ab aliquibus proponeretur contra vos vel vestros occasione Johannis quondam domini de Castellione qui elegit in vestro monasterio sepulturam Et preterea testificamur quod dictus Johannes in presentia nostra penitus quittavit vobis et ecclesie vestre quicquid petebat racione guarde sive dominii quod dicebat se habere in domo vestra de Chavariaco vel in hominibus ad eam pertinentibus et si quid juris ibi habebat totum vobis et ecclesie vestre in elemosinam pro remedio anime sue et antecessorum suorum dedit pariter et concessit Ad majorem autem predictorum firmitatem et certitudinem presentes litteras vobis tradidimus sigillorum nostrorum munimine roboratas Actum anno Domini MCC quadragesimo quarto in festo beati Petri ad Vincula