Charter Document - 02194805
| Charter Number: | 02194805 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Obligation |
| Date: | 1244 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Reverentissimo in Christo patri H[ugoni] Dei gratia abbati Cluniacensi frater E subprior Lentoniensis et totus ejusdem loci conventus semper obediens et devotus salutem et obedientiam cum omni reverentia tam debitam quam devotam Sanctitati vestre duximus intimandum quod venerabilis pater H prior noster Lentoniensis in adventu suo audito compotu de omnibus que debebantur et de hiis que inventa fuerunt inpresentiarum et etiam de hiis que citra principium sequentis annate percipi consueverunt in reditibus et proventibus et facta estimacione expensarum faciendarum medio tempore tam necessario quam inevitabiliter ultra omnes assignaciones factas fideliter ad debita solvenda et defectus suplendos invenit domum tam debitis in manibus creditorum quam defectibus pernecessariis obligatam et honeratam ad summam trescentarum marcarum et amplius nulla in predicta summa vel compotu facta mentione de XXVI marcis que nobis id est conventui a bone memorie Rogerio quondam priore nostro de vero mutuo debebantur Ut autem omnis dubietas que de statu nostro circa vos et alios de ordine posset versari tollatur ex toto et super statu domus vobis veritas appareat manifeste presentibus litteris sigillum conventus nostri de assensu omnium duximus apponendum Datum apud Lentoniam in crastino Sancti Sebastiani anno Domini MCCXLIII