Charter Document - 02194798
| Charter Number: | 02194798 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1243 |
| Date type: | Internal, Calendar, Papal |
| Resource Link(s): |
TELMA - Chartae galliae CCE: cartae cluniacenses electronicae |
Charter:
Innocentius Episcopus servus servorum Dei venerabili fratri Episcopo Norvicensi salutem et Apostolicam benedictionem Ex parte Abbatis et Conventus Cluniacensis nobis est ablata querela quod tu Villam de Tilhesfort Lincolniensis Diocesis ad Cluniacensem Ecclesiam pertinentem cuidam fratri tuo de facto pro tue voluntatis arbitrio contulisti qui eam detinet in eorum grave prejudicium et enormem ipsius Ecclesie lesionem Volentes igitur ut quod contra justitiam fecisse diceris corrigas per te ipsum fraternitatem tuam rogamus monemus et hortamur attente per Apostolica tibi scripta mandantes quatenus si est ita Villam eamdem cum juribus et pertinentiis suis procures sine qualibet difficultate restitui Abbati et Conventui supradictis eam in hoc diligentiam habiturus quod iidem non cogantur de te nobis super hoc iterare querelam alioquin dilectis filiis Rosem et de Mercum Ludovicensis Diocesis Prioribus damus nostris litteris in mandatis ut te ad id monitione premissa appellatione remota auctoritate nostra previa ratione compellant Datum Anagnie XIII Kalendas Augusti Pontificatus nostri anno primo