Charter Document - 02194797
| Charter Number: | 02194797 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1243 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Universis presentes litteras inspecturis Seguinus permissione divina Matisconensis ecclesie minister humilis rei geste noticiam cum salute Presentium vobis insinuatione significandum duximus quod Reynaldus dominus Buxerie in nostra presentia constitutus confessus est se obligasse venerabilibus et religiosis viris priori et conventui Cluniacensis ecclesie pro viginti quinque libris Cluniacensis monete quas habuit in pecunia numerata quicquid possessionis quicquid juris habebat vel habere poterat in villa Sancti Poncii et in villa que vocatur Mons Francie quod totum movet de feodo Cluniacensis ecclesie recognovit promittens insuper sub prestito tactis sacrosanctis evangeliis juramento se contra premissam obligationem nunquam per se vel per alium venturum eandem memoratis priori et conventui inconcussam et pacificam servaturum [tam omni exceptioni] quam juris cujuslibet beneficio quod eidem R contra eandem obligationem seu contra tenorem presencium posset in posterum competere vel prodesse sub premisso nichilominus renuncians juramento Ut autem premissa robur obtineant firmitatis sigillum nostrum ad instantiam supradicti Reinaldi presentibus deposuimus in testimonium et munimen Actum et datum anno Domini MCCXLIII mense aprili