Charter Document - 02194794
| Charter Number: | 02194794 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Apology |
| Date: | 1242 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Sanctissimo in Christo patri ac domino [abbati] Cluniacensi et ejusdem ecclesie sacro conventui frater Fulc[o] humilis abbas Monasterii Novi Pictavensis salutem et in omnibus et per omnia obedientiam et reverentiam tam debitam quam devotam [] Cum ad sanctam matrem nostram Cluniacensem ecclesiam toto mentis desiderio et cordis affectu ardenter venire desideraremus impedimentum nobis prebuit infirmitas proprii corporis videlicet nequissime febris inimica rabies que corpus nostrum graviter dilacerans per longum temporis spatium nocte ac die etiam vix permittit dicta persecutionis rabies cultui divino exhibere operam immo nec negotiis ecclesie providere Placeat igitur sanctitati vestre excusationem nostram tam legitimam et necessariam in hoc casu si placet recipere []