Charter Document - 02194792
| Charter Number: | 02194792 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1242 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Magister W archidiaconus et officialis Matisconensis universis presentes litteras inspecturis rei geste noticiam cum salute Noverit vestra universitas quod Guichardus prepositus de Jalogniaco quicquid habebat vel habere poterat in prepositura de Jalogniaco et domum suam sitam in predicta villa et medietatem nemoris quod dicitur Brucia et janestariam sitam juxta condeminam del Tronchet et medietatem terre que dicitur Alacte et dimidium allodium situm sub Alloete et medium pratum situm juxta et terram que dicitur Euvrardi et omne illud quod habebat vel habere poterat in territorio de Jalogniaco similiter omnia premissa et quicquid in omnibus premissis habebant vel habere poterant quittaverunt ecclesie Cluniacensi et domui de Jalogniaco Petronilla uxor dicti Guichardi de mandato mariti sui et Stephanus et Perroneta filii dicti Guichardi Promittentes predicti Guichardus et Petronilla ejus uxor et Stephanus et Perroneta filii sui se predictam concessionem venditionem quittationem et omnia premissa superius annotata servare et tenere et non contra venire in perpetuum prestito corporaliter super sancta Dei evangelia juramento Renunciantes omni actioni personali et reali sive in rem sive in personam competenti et specialiter actioni in factum exceptioni doli quod metus causa non numerate et non tradite pecunie minoris etatis et omni juris beneficio et omnibus actionibus et exceptionibus eis competentibus vel deinceps competituris In cujus rei testimonium et confirmacionem ad instanciam et peticionem predictorum Guichardi et Petronille ejus uxoris et Stephani et Perronete filiorum suorum sigillum curie Matisconensis presentibus apposuimus Actum die mercurii post festum beati Dyonisii anno Domini MCCXL secundo