Charter Document - 02194791
| Charter Number: | 02194791 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1242 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Nos frater Petrus humilis abbas de Chassagni et Hugo de Chalens humilis archipresbyter de Chalemont et Hugo vicarius de Montelier tunc temporis universis presentes literas inspecturis rei geste noticiam cum salute Quoniam ea que dicuntur vel fiunt cito ab hominum memoria dilabuntur eapropter que necessaria sunt forte aliquo tempore comprobari scripture oportet testimonio commendari Universitati vestre volumus fieri manifestum quod Johannes filius Michaelis Donet vendidit dedit et quitavit fratri Guicardo de Birisuel tunc temporis decano de Monbertout et eidem domui de Monbertout omne jus quod habebat vel habere in prepositura de Monteillier pertinente dicte domui de Monbertout poterat quam dicebat sibi et heredibus suis jure hereditario devenire pro sexaginta quatuor solidis forcium Lugdunensis monete et quinque asineis silliginis et noven bichetis miliis quos vel quas dictus Johannes confessus fuit coram nobis se recepisse vel grahancium suum plenarie habuisse Promissit etiam coram nobis dictus Johannes juramento super sancta Dei evangelia prestito se de cetero per se vel per alium contra hujusmodi venditionem donationem sive quitationem non venturum Si vero [quod absit] aliquis contra hujusmodi venditionem venire presumpserit ipse Johannes tenetur pro se et pro suis sub vinculo prestiti juramenti et maxime super omnia bona sua dicte domui de Monbertout pertinencia dictum decanum sive domum supradictam indampnem penitus observare Venditionem vero istam laudavit voluit et concessit Laurencia uxor dicti Johannis et promisit juramento super sancta Dei evangelia prestito se ipsam venditionem plenarie observare Renunciaverunt siquidem tam dictus Johannes quam Laurencia uxor sua in ista venditione ex certa scientia et sub prestito juramento exceptioni doli et minoris precii et etiam auxilio et beneficio tam juris canonici quam civilis scripti et non scripti promulgati et promulgandi quod dicto decano vel domui supradicte posset nocere et eisdem Johanni et Laurencie uxori sue vel suis heredibus competere vel prodesse In cujus rei testimonium nos dicti abbas archipresbyter et capellanus ad requisitionem parcium supradictarum presenti pagine sigilla nostra apposuimus in robur et testimonium veritatis Datum anno MCCXLII mense augusto