Charter Document - 02194785
| Charter Number: | 02194785 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1240 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Venerabilibus viris ac religiosis U[goni] abbati et conventui Cluniacensi nos benefactores ecclesie Sancti Vincencii P de Genzaque P de Limoges P de Reimondina domina Mayor una cum concilio Salamantice civitatis et omnibus aliis benefactoribus ejusdem ecclesie salutem et obtate beatitudinis perfrui largitate Religiositati vestre universaliter presentibus declaretur quod nos intuitu pietatis et causa redemptionis tam animarum nostrarum quam parentum nostrorum predictam ecclesiam Domino disponente ad meliorem statum cupimus toto animo promovere Unde cum in hoc et in aliis quamplurimum vestro indigeamus auxilio vestram religiositatem omnes unanimes exoramus humiliter ac devote quatinus in jam dicto loco Sancti Vincencii abbatem instituere procuretis Et nos obligamus nos et promittimus ponere XXX juga boum in hereditatibus que inculte et alienate temporibus multis bobus deficientibus permanserunt Colemus etiam vineas que jacent inculte videlicet LXX aranzadas Exceptis his habet supradicta ecclesia X jugatas bene cultas duas azeniarum rotas duos molendinos quandam alveolum que vocatur Fratres Promittimus etiam in Domino tot hereditates eterne emere alias et tot vaccas equas oves ut abbas qui ibidem fuerit institutus canonice cum XII vel pluribus monachis possit vivere ad Dei et hominum servicium et honorem honorifice ac honeste Amplius si abbas ibi fuerit institutus vobis unam marcham argenti super incenso annuatim debito augmentamus et in presenti abbati et conventui quingentas libras in elemosina erogamus