Charter Document - 02194758

Nos Hugo de Mirebello cantor Puncius Gaufridi archidiaconus et magister Willelmus officialis Matisconensis notum facimus universis quod Renaudus dictus li Cros de Felins et Guielmus de Mespillie in nostra presentia constituti vendiderunt concesserunt quitaverunt ac etiam tradiderunt ecclesie Cluniacensi pro triginta quinque libris Matisconensium quicquid juris possessionis vel quasi habebant vel habere poterant in terris pratis vineis hominibus nemoribus aquis aquarum decursibus servitutibus seu in quibuscunque aliis apud Chasoil et in toto territorio sive finagio ejusdem ville quicquid etiam habebant vel habere poterant infra metas illius escambii de Butavant quod fecit nobilis vir J[ocerannus] dominus Branceduni ecclesie Cluniacensi devestientes se coram nobis de omnibus supradictis et investientes ecclesiam Cluniacensem Promiserunt etiam tactis sacrosanctis euvangeliis prestito corporaliter juramento quod de cetero contra venditionem istam non venient nec aliquem alium pro posse suo venire permittent et si quis forsitan jure hereditario vel quocunque alio modo in supradictis aliquo tempore aliquid reclamaret contra omnes homines tenentur ecclesie Cluniacensi supradicta omnia garantire Renuntiaverunt etiam pro se et heredibus suis scientes et spontanei exceptioni non numerate pecunie et omni juris auxilio cyvili vel canonico scripto vel non scripto quod sibi ratione non justi precii vel alio quocumque modo competebat vel in futurum competere poterat ad dictam venditionem res[c]indendam revocandam vel etiam infirmandam Promiserunt etiam sub eadem religione juramenti quod quando veniet ad partes Matisconenses reverendus pater episcopus Matisconensis qui tunc absens erat recognoscent venditionem istam coram ipso et rogabunt ipsum quod inde tradat litteras suas testimoniales abbati et ecclesie Cluniacensi quantumcumque fortes et bonas ab ipso duxerint abbas et ecclesia requirendas Item promisit dictus Renaudus li Cros quod quamcito Hugo filius Petri le Croc ad etatem legittimam pervenerit dictam venditionem ipsum Hugonem concedere faciet et ecclesie Cluniacensi quitare quicquid juris habet vel habere potest in omnibus supradictis Obligavit etiam coram nobis nomine pignoris seu ypothece tradens ecclesie Cluniacensi quicquid habet in terris et possessionibus apud Perronam et in territorio ejusdem ville quousque dicta concessio et quitatio facta fuerit ab Hugone superius nominato Hec omnia sine dolo et fraude se fideliter attendenda et complenda promiserunt per estipulationem coram nobis dicti R et G juramento corporaliter prestito prout superius est expressum In cujus rei testimonium rogati ab ipsis sigilla nostra duximus presentibus litteris apponenda Actum anno Domini MCCXXXIX die martis ante Purificationem Beate Marie