Charter Document - 02194747
| Charter Number: | 02194747 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1239 |
| Date type: | Internal, A.D., Calendar |
| Resource Link(s): |
CCE: cartae cluniacenses electronicae |
Charter:
Reverendo patri in Christo domino abbati Cluniacensi frater Radulfus monachorum de Castelacra minister humilis et ejusdem loci conventus salutem et obedientiam debitam et devotam In negotio super inquisitione auctoritate vestra facta nos et domum de Bremholme contingente Willermum monachum nostrum et magistrum Droconem domini pape subdiaconum latores presentium ad audiendum interlocutionem super dicta inquisitione procuratores nostros coram vobis constituimus ratum habituri quicquid in dicto negotio per utrumque eorum vel alterum qui presens fuerit justitia mediante coram vobis actum fuerit Hoc idem viris venerabilibus capituli Cluniacensis diffinitoribus significamus Datum apud Castelacram IX kal aprilis anno Verbi incarnati MCCXXXVIII