Charter Document - 02194743
| Charter Number: | 02194743 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1239 |
| Date type: | Internal, Calendar, Papal |
| Resource Link(s): |
TELMA - Aposcripta CCE: cartae cluniacenses electronicae |
Charter:
Gregorius Episcopus servus servorum Dei dilecto filio Priori de Parriciaco Eduensis Diocesis salutem et Apostolicam benedictionem Dilecto filio Abbate Cluniacensi nobis innotuit intimante quod cum Monasterio sancti Germani Antisiodorensis Cluniacensis Ordinis in quo regularis correctio pertinet ad eumdem nuper Abbatis solatio destitutio visitatores a Generali Capitulo ejusdem Ordinis deputati ad locum ipsum impensuri eidem secundum statuta pro reformatione dicti Ordinis visitationis officium accessissent Prior et Conventus Monasterii memorati spiritu rebellionis assumpto non solum eos admittere noluerunt verum etiam non permiserunt ibi statuta recitari predicta in vocem appellationis frivole ne in visitationis procederetur negotio prorumpentes Sed visitatores ipsi appellationi hujusmodi prout non debebant minime deferentes in eos exigente ipsorum protervia Excommunicationis sententiam protulerunt quam idem Abbas Apostolico petiit munimine roborari Quocirca discretioni tue per Apostolica scripta mandamus quatinus sententiam ipsam sicut rationabiliter est prolata facias auctoritate nostra usque ad satisfactionem condignam appellatione remota inviolabiliter observari Datum Laterani VI Nonas Martii Pontificatus nostri anno XII