Charter Document - 02194732
| Charter Number: | 02194732 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Tithe |
| Date: | 1238 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Reverendo patri et domino in Christo karissimo dompno H Dei gratia abbati Cluniacensi frater Marcus dictus prior Montis Acuti in Anglia et ejusdem loci humilis conventus in Domino salutem Reverende paternitati vestre destinamus dilectum nostrum H monachum latorem presencium quem constituimus procuratorem nostrum ad impetrandum gratiam vestram super decima quam a nobis auctoritate domini pape et vestra exigitis usque ad terminum trium annorum flexis genibus supplicantes quatinus Deum habentes pre oculis tenuitati domus nostre compatientes peticionem nostram prout lator presencium vobis exposuerit cui si placet tanquam nobis credatis benigne exaudire et effectui si placet mancipare dignemini significantes quod ratum habebimus et gratum quicquid idem lator presencium nomine nostro coram vobis super prenominatis fecerit Valeat sancta paternitas vestra per tempora longa Datum apud Montem Acutum in crastino beati Gregorii anno Domini MCC tricesimo octavo