Charter Document - 02194731
| Charter Number: | 02194731 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1238 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Universis presentes litteras inspecturis Johannes comes et Aalais comitissa Matisconensis salutem in Domino Noverit universitas vestra quod cum nos abbati et ecclesie Cluniacensi in decanatu de Cluniaco et multis aliis locis multa damna et injurias fecerimus contra cartas predecessorum nostrorum injuste veniendo et ipsi abbas et ecclesia Cluniacensis domino regi super predictis de nobis fuissent conquesti petentes ut dicta dampna et injurias eisdem et suis emendaremus et cartas [predictas] predecessorum nostrorum servaremus tamdem prudentum et bonorum virorum habito consilio ad cor redeuntes predictas cartas predecessorum nostrorum veras esse profitemur et nos injuste contra tenorem earundem fecisse protestamur et eas innovamus et confirmamus ut semper valeant et perpetuum robur obtineant firmitatis Auctum anno Domini MCCXXXVII mense januarii