Charter Document - 02194715

In nomine [] Amen Quoniam scriptum est Mundus Transit et concupiscentia eius et res geste nisi litteris adnotentur obliuione cito depereunt ea qua salubri intentione fiunt et multorum habent profectui et indemnitati deservire litteris ad posteros transmittere opus non inefficax reputatur Ea propter nos frater Hugo Clun[] Ecclesie humilis Abbas totusque Conuentus eiusdem loci per presentes litteras notum facimus vniuersis presentibus et futuris quod nos scientes et prudentes et spontanea voluntate emimus et recepimus a nobili viro Ioceranno Grosso Domino Braceduni castrum suum de Boteauant et villam de Brei et de Contuberto cum omnibus iuribus et pertinentiis presentibus et futuris et pro his pretium dedimus videlicet mille et quingentas marchas argenti et quadringentas libras Diuionenses pro druelleriis et villam nostram et domum de Bellomonte Cabilon Dioecesis et grangiam sancti Desiderij cum omnibus appenditiis et pertinentiis presentibus et futuris tam ville quam domus quam etiam grangie exceptis decimis Ecclesiis et spiritualibus ipso domino Iocerano recipiente possessionem et dominium predictarum rerum pro se et heredibus suis siue successoribus et quicquid habuimus tenuimus vel possedimus aliquo tempore habemus tenemus vel possidemus vel quasi per nos vel per alium vel habere potuimus vel possimus quoquomodo in terris hominibus reditibus aquarum decursibus pratis pascuis viis semitis consuetudinibus usagiis gardis iustitiis feudis seruitutibus Et in dictum Dominum Iocerannum omnem possessionem quam habemus possedimus vel quasi aut alius nomine nostro et omnium dominium transtulimus et generaliter omnia que habuimus habemus vel habere possumus aliquo modo per nos vel per alium Cessimus autem et concessimus eidem Domino Ioceranno omnes actiones tam reales quam personales et iura que habemus et habere possumus vel debemus quoquomodo in omnibus rebus supradictis et Domino Ioceranno a nobis abdicamus in ipsum Dominum Iocerannum pro nobis et successoribus nostris pleno iure omnino transferentes Et si forte res supradicte videlicet villa et domus de Bellomonte et grangia S Desiderij cum appendiciis earum valeant vel valere possint ad presens vel in futurum plusquam res predicte quas nobis vendidit et tradidit didus Dominus Iocerannus illud cedimus concedimus et quittamus ex certa scientia sponte et prouide pro nobis et successoribus nostris Domino Ioceranno et suis heredibus siue successoribus in perpetuum habendum et pacifice possidendum recognoscentes estimationem et recompensationem eos legitimam propter hoc habuisse De predictis autem omnibus nos de vestivimus et dictum Dominum Iocerannum recipientem nomine suo et heredum siue successorum suorum in vestivimus et in corporalem et vacuam misimus possessionem Promisimus autem bona fide pro nobis et successoribus nostris coram multis ad hoc vocatis et rogatis nos contractus iam dictos et omnia superius expressa in perpetuum rata et firma habere et tenere nec aliquo modo contravenire directe vel indirecte per nos vel per alium nec re nec verbo nec de iure nec de facto Et si forte Ecclesia nostra quod non credimus lesa in huiusmodi fuerit in aliquo non re clamabimus petentes beneficium restitutionis iure minoris vel alio modo auctoritate Apostolica vel Domini Regis Francie vel qualibet alia auctoritate nec implorabimus officium iudicis nec permittemus pro posse nostro quod dictus Iocerannus vel heredes sui siue successores trahatur in causa aliquo modo Et hec per stipulationem promittimus bona fide Promittentes etiam per stipulationem dicto Domino Iocer[] pro nobis et successoribus nostris quod si aliquis super predictis rebus vel super alia re earum vel super iure pertinenti ad eas dictum Dominum Iocerannum vel heredes suos siue successores impeteret vel in causam traheret vel in aliquo molestaret nos pro eis opponeremus et ad iustitiam responderemus et ipsos defenderemus in iudicio et extra iudicium bona fide Si vero per nos nostrosque successores predicta omnia non seruaremus vel contra aliqua occasione venire presumeremus promittimus stipulando eidem Ioceranno et heredibus seu successoribus suis damna que propter hoc sustinerent secundum aquitatem et iustitiam re farcire obligantes idem realiter et personaliter nos et omnia bona nostra mobilia et immobilia Renunciantes in hoc facto ex certa scientia omni actioni et exactioni doli et actioni et exceptioni quod metus causa et omni beneficio iuris generali et singulari scripto et non scripto promulgato et promulgando quod nobis et successoribus nostris ad reuocandum predicta vel aliquam partem predictorum posset nobis vel successoribus nostris vel Ecclesie Cluniacensi ullo tempore competere vel prodesse Ne vero res bene gesta antiquitate temporis reuocari possit in dubium nec quod pro bono factum est evidenti non existente memoria depereat ad maiorem huius rei evidentiam presentes litteras inde fieri et sigillis nostris muniri fecimus Rogantes venerabiles Patres Haimonem Dei gratia Episcopum Matisconensem et Guillelmum eiusdem gratia Cabilonensem Episcopum ut sigilla propria apponi facerent cum nostris sigillis in presentibus litteris in testimonium rei geste Et nos Haimo Dei gratia Matisconensis Episcopus et Guillelmus eiusdem gratia Cabilonensis Episcopus ad instantiam et preces venerabilis et religiosi viri Hugonem Abbatis Cluniac[] totiusque eius loci Conuentus presentibus litteris sigilla nostra apposuimus cum sigillis dicti Abbatis et Conuentus Clun[] et tradidimus dicto Ioceranno consistentes predicta omnia secundum quod superius scripta sunt et adnotata in presentia nostra esse recitata et peracta Actum anno Domini MCCXXXV mense Martio