Charter Document - 02194702
| Charter Number: | 02194702 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1236 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Ego Jocerannus dominus Branceduni notum facio omnibus presentes litteras inspecturis quod ego dedi et concessi venerabili et karissimo consanguineo meo Stephano condam abbati Cluniacensi stampnum quod ego facere inceperam prope Sanctum Ipolitum et etiam molendinum si quod in eodem stampno factum fuerit possidenda pacifice quamdiu vixerit et habenda Teneor siquidem omnem terram quam aqua dicti stampni occupaverit dicto Stephano remoto cujuslibet contradictionis obstaculo contra omnes fideliter garantire tali tamen condicione quod si abbas Cluniacensis quamdam permutationem de qua tractatum fuit videlicet de predicto stampno et terra de Chassenoles ex una parte et villa Rufiaci ex altera ratum habuerit predictum stampnum et terra de Chassenoles cum pertinenciis suis et insuper viginti quinque solidi Cluniacenses censuales quos habeo subtus Lordonum pro dicta Cluniacensi ecclesie commutatione in perpetuum remanebunt Alioquin concessio quam ego feci dicto Stephano de predicto stampno ratam obtinebit firmitatem Noto tamen quod occasione donationis sive concessionis quam ego feci memorato Stephano de dicto stampno michi vel ecclesie Cluniacensi aliquod possit in posterum prejudicium generari Actum anno Domini MCCXXX sexto mense septembris