Charter Document - 02194698
| Charter Number: | 02194698 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1236 |
| Date type: | Internal, Papal |
| Resource Link(s): |
Reference Document for this Embedded Document CCE: cartae cluniacenses electronicae |
Charter:
Gregorius [] Dilectis filiis decano capelle ducis Divion [] archidiacono Flaviniacensi Lingonensis et Eduensis diocesum salutem [] Dilecti filii abbas et conventus Balmensis ordinis Sancti Benedicti transmissa nobis petitione monstraverunt quod cum bone memorie N archiepiscopus Bisontinus tam auctoritate nostra quam sua causa visitationis accessisset ad idem monasterium diocesanum sibi lege subjectum P tunc abbatem ejus exigentibus culpis suis ab ejus regimine prorsus amovit cumque idem conventus dictum S in abbatem sibi canonice ac concorditer elegissent confirmavit electionem hujusmodi et munus ei benedictionis impendit Preterea cum quidam de monachis dicti monasterii se a communi consortio quoad dormitorium et refectorium pro sue voluntatis arbitrio sequestrarent super hiis et aliis quedam ibi statuta salubria edidit et honesta precipiens inter cetera ut in monasterio residentes simul in cummuni refectorio comedant et jaceant in uno dormitorio illis exceptis quos infirmitas vel aliqua causa rationabilis excusabit Que dicti abbas et conventus apostolico roborari munimine petierunt Volentes igitur ut que ab ecclesiarum prelatis provide statuuntur debitam obtineant firmitatem discretioni vestre per apostolica scripta mandamus quatinus statuta premissa sicut rite et sine pravitate aliqua facta sunt per censuram ecclesiasticam appellatione postposita faciatis firmiter observari Datum Interamne IIII idus junii pontificatus nostri anno decimo