Charter Document - 02194696
| Charter Number: | 02194696 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1236 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Haymo miseratione divina Matisconensis ecclesie minister humilis universis presentes litteras inspecturis salutem in Domino Noveritis quod Achardus de Maciaco miles in nostra presentia constitutus confessus est se vendidisse pretio quater viginti librarum Cluniacensium quicquid habebat apud Besornay et in parrochia Sancti Vincentii in hominibus in pratis in aliis terris cultis sive incultis in nemoribus in aquis in consuetudinibus et aliis quocunque modo illa habebat in predictis locis ecclesie Cluniacensi promittens prestito corporaliter juramento se predictam venditionem servare imperpetuum nec contravenire per se vel per alium renontians exceptioni non numerate pecunie et omni actioni et exceptioni et omni auxilio juris tam canonici quam civilis et omnibus actionibus et exceptionibus sibi competentibus vel deinceps competituris Promisit insuper prestito juramento predicta omnia se contra omnes garantire Cluniacensi ecclesie In cujus rei memoriam et testimonium ad petitionem dicti Achardi presentibus litteris sigillum nostrum duximus apponendum Datum die mercurii proxima post octavas Pasche anno Domini MCCXXXVI