Charter Document - 02194683
| Charter Number: | 02194683 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1226 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Magister Willermus officialis Masticonensis universis presentes litteras inspecturis salutem in Domino Noveritis quod Gaufridus Doble domicellus in nostra presentia constitutus obligavit titulo pignoris sexaginta solidos de redditu quos habebat apud Massilliacum in tribus hominibus scilicet Galtero de Saugoy Johanne Redrisoyt Constantino Chaloner pro XX V libris Cluniacensibus quas dictus Gaufridus confessus est se recepisse in pecunia numerata quos LX solidos tenebat cum omnibus aliis que habebat apud Massilliacum in casamentum et feodum ab ecclesia Cluniacensi promittens prestito juramento super sancta Dei euvangelia se sine aliqua calumpnia et inquietatione in pace dimittere dictos LX solidos et contra omnes guarantire ecclesie Cluniacensi quousque reddiderit integre dictas XXV libras Et si forte aliquis fuerit defectus in dictis LX solidis ita quod non possent haberi super illis hominibus promisit prestito juramento se defectum suplere de alia terra sua De conventionibus predictis observandis et obligatione tenenda fide jussores fuerunt Willermus Domile miles et Johannes Paganus qui per juramentum promiserunt se ostagia tenere apud Cluniacum usque ad debitam satisfactionem si dictus Gaufridus in aliquo defecerit premissorum In cujus rei testimonium presentibus sigillum curie Masticonensis apposuimus Datum anno Domini millesimo ducentesimo XXX quinto mense junio