Charter Document - 02194682
| Charter Number: | 02194682 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1226 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Ego Johannes archipresbyter de Cluniaco notum facio universis quod Johannes de Sirepni in presentia mea recognovit quod ipse duodecim bichetos frumenti quos habet apud Brunant de redditu annuali quos etiam accepit a domino abbate Cluniacensi in feodo et homagio invadiavit eidem pro decem libris Cluniacensis monete quas ab eo recepit in pecunia numerata et de invadiatione ista dedit eidem abbati dominum Guidonem de Brueria militem et Johannem dictum Paganum de Cortevais fide jussores Quod si forte aliquis dictum abbatem vel ecclesiam Cluniacensem super ipsa gageria molestaret vel ipsam aliquatenus impediret tenentur ipsam eidem ecclesie Cluniacensi contra omnes fideliter garantire donec dictus Johannes ipsam ab ecclesia redimerit de pecunia numerata In cujus rei testimonium presentes litteras ad petitionem sepedicti J sigilli mei munimine roboravi Actum anno Domini MCCXXXV mense junio