Charter Document - 02194676

Guillelmus Dei gratia Cabilonensis ecclesie minister humilis universis presentes litteras inspecturis salutem in Domino Universitati vestre notum facimus quod constitutus in presentia nostra Hugo de Petra Campi domicellus promisit et tenetur quod ipse abbati et ecclesie Cluniacensi decimam quam habebat apud Aynart et medietatem decime quam habebat apud Contremblem ab eodem Hugone predictis abbati ac ecclesie Cluniacensi titulo pignoris obligatas bona fide garantiet et defendet Et si forte [quod absit] aliquis contravenire attemptaverit idem Hugo se opponet et deffendet et eamdem decimam de Aynart cum medietate dicte decime de Contremblem ab eisdem abbate et ecclesia Cluniacensi secundum conventiones inter ipsos habitas in bona pace et tranquilla teneri faciet et haberi Et pro hoc attendendo et tenendo ac inviolabiliter observando erga dictos abbatem et ecclesiam Cluniacensem dominum Jocerannum de Nantum militem usque ad quadraginta libras Cluniacensis monete coram nobis constituit fide jussorem Ad quam summam pecunie se astrinxit fide interposita coram nobis prefatus miles et promisit per eamdem fidem prestitam se dictis abbati ac ecclesie Cluniacensi soluturum vel apud Cluniacum ad requisitionem dicti abbatis vel mandati sui ostagium tenere donec dicta pecunia ipsis abbati ac ecclesie Cluniacensi solveretur si prefatum Hugonem deficere contingeret in aliquo de premissis In cujus rei testimonium ad instanciam et peticionem dictorum Joceranni et Hugonis presentibus litteris sigillum nostrum duximus apponendum Datum apud Cluniacum anno gratie MCCXXX quarto mense marcii