Charter Document - 02194657
| Charter Number: | 02194657 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1234 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Ego Johannes comes Burgundie et Cabilonis notum facio universis presentes litteras inspecturis quod cum discordia verteretur inter me ex una parte et venerabilem virum Stephanum abbatem et ecclesiam Cluniacensem ex altera tam super debitis judeorum quam super aliis querelis que inter nos usque ad hanc diem emerserant tandem mediantibus bonis viris pacificatum est in hunc modum Ego siquidem quitavi abbatem et ecclesiam Cluniacensem bona fide tam super debitis judeorum meorum quam super omnibus aliis querelis salvo fundo terre quem habebam contra ipsos vel habere poteram usque ad presentem diem Promisi etiam eis quod si alique littere emanarent de cetero super debitis judeorum vel etiam christianorum tempore compositionis hujus in terra mea non manentium que confecte fuissent ante istud tempus sive ante istam diem quod non uterer eis nec permitterem auctoritate seu vi mea uti contra dictum abbatem et ecclesiam Cluniacensem nec etiam contra membra ejusdem nec aliquam possem habere contra eos per illas litteras actionem Veruntamen si ecclesia Cluniacensis vel prioratus ejusdem debebant aliquid burgensibus seu hominibus in terra mea manentibus ante tempus vel tempore compositionis hujus predicti homines mei nichilominus debitum suum possint requirere et debitores de debito suo eisdem prout justum fuerit satisfacere teneantur Quod ut ratum et firmum permaneat presentes litteras sigilli mei munimine roboravi Actum Trenorchii die veneris proxima post festum Assumptionis beate Marie anno Domini MCCXXXIIII