Charter Document - 02194650
| Charter Number: | 02194650 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1234 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Universis presentes litteras inspecturis Robertus archipresbyter Viriseti salutem in vero salutari Universitati vestre notum facimus quod cum venerabilis in Christo Oddo prior Cluniacensis intuitu pietatis recipisset in monachum et in fratrem Cluniacensem Petrum filium Helye de Lordono cum etatem legitimam attingerit regulariter ad vestiendum dictus Helyas hac benignitate inductus ob remedium anime sue et anime fratris sui magistri Johannis ac parentum et antecessorum suorum dedit et contulit in elemosinam donatione inter vivos dicto domino Oddoni priori et Cluniacensi ecclesie in perpetuum duas domos suas in vico d'Arvi ante domum Hugonis Carbonelli sitas cum appendiciis earundem item clusum suum de Crotauz prata et omnes alias possessiones census et jura que versus Lordonum habebat et quicquid juris quicquid rationis habebat vel habere poterat sub dominio ville Cluniacensis et castellania de Lordono vel alias tam circiter quam infra Et de premissis possessionibus rebus et juribus Cluniacensi ecclesie collatis idem Helyas se devestiens dominum O priorem et ecclesiam Cluniacensem per ipsum sasivit et investivit Cujus Helye liber[ali]tatem et devotionem erga Cluniacensem ecclesiam prefatus O prior attendens eidem in recompensationem dedit et refudit XXX libras Turonenses et vinginti libras Cluniacenses de quibus in nostra presentia idem Helyas confessus est sibi fuisse plenarie satisfactum In cujus rei testimonium sigillum nostrum ad instantiam partium presentibus duximus apponendum Actum anno Domini MCCXXX tertio mense marcii