Charter Document - 02194646
| Charter Number: | 02194646 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1234 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Sua nobis dilectus filius abbas Cluniacensis insinuatione monstravit quod cum R quondam monachus Cluniacensis de abbatis Cluniacensis qui tunc temporis erat licentia in abbatem Sancti Petri Cathalaunensis ac postmodum monasterio Cluniacensi vacante ad ipsius regimen fuisset assumptus demum ejusdem monasterii regimine resignato prioratum de Lehun[o] Cluniacensis ordinis de quo priores qui fuerunt ibi pro tempore monasterio Cluniacensi et etiam sibi ipsi postquam abbas fuit ibidem consueverunt annuatim in certa quantitate pecunie subvenire pro sua sustentatione retentans prefato monasterio quod gravi premitur onere debitorum non solum subvenire non curat verum etiam eidem abbati obedientiam renuit exhibere se ad hoc ex eo asserens non teneri quod cum in abbatem Sancti Petri ut dictum est fuisset assumptus absolutus ab obedientia per [] abbatem Cluniacensem nulli postmodum successorum promisit eandem Ad hoc idem R tempore quo predicto monasterio prefuit prioratus et domos ejusdem immensis exactionibus et extorsionibus aggravans non modicam pecuniam quam de domibus et prioratibus acceperat secum post resignationem suam dicitur asportasse tam post quam ante resignationem eandem apud quosdam deposuisse refertur et quibusdam etiam per ipsius ordinis ac aliis mutuasse Quare fuit ex parte dicti abbatis nobis humiliter supplicatum ut providere super hoc indemnitati ejusdem monasterii paterna sollicitudine dignaremur Nolentes igitur pati ut prelatis suis non obediant ut tenentur mandamus quatenus si est ita jam dictum R ad prestandam prenominato abbati obedientiam et reverentiam et reddendam de perceptis congruam rationem premissis et quibusdam bone memorie [] abbatis Cluniacensis litteris in quibus falso dicitur contineri quod totum proprium quod habebat sibi restituit nequaquam obstantibus depositarius et debitores ad restituenda dicto abbati debita et deposita hujusmodi et eundem R ad relaxandum juramentum si quid predicti debitores et depositarii de reddenda sibi pecunia prestiterunt et ad resignanda si qua super hoc obtinent monitione premissa per censuram ecclesiasticam [] compellas invocato ad hoc si opus fuerit auxilio brachii secularis Dat Laterani XVI kalendas martii anno septimo