Charter Document - 02194644

Ad similitudinem Dei Filii mundi hujus quos prudentiores filiis lucis in generatione sua veritas protestatur rejecta disciplina justitie et observatione fidei sibi invicem moliuntur insidias dampna inferunt injurias irrogant movent lites ad arma prosiliunt committunt prelia sceleri jus indulgent privilegium errori venantur invicem se ad mortem et se adeo persequendo dilaniant ut etiam in suo cruententur nec sufficere sibi credunt sed etiam desiderabilia Ecclesie fratres videlicet ordinis qui remoti a turbis popularibus intra se cum Domino sibi secretum querunt cum illo exteriore cessante strepitu quasi quodam familiari colloquio per interna desideria delectentur extendunt nequiter manus suas quorum vix eos habere patitur unde vivant quando peregrinationis sue viaticum vel concutiant per calumpniam excutiant per rapinam de quo etsi magnis dolorum urgeamur aculeis illud tamen intolerabilius nos inurit quod hii qui debuerant persecutorum ipsorum extinguere non solum defensionis manum persecutionum ignibus non apponunt verum etiam quodammodo ignes ignibus accendentes eos persecuntur Sicut enim ad nos dilecti filii [] abbatis Cistercii et coabbatum ipsius Cisterciensis ordinis querela gravis et stupenda pervenit cum apostolica sit statutum et expresse nichilominus ut nulli omnino liceat in eosdem abbates eorum monasteria seu fratres inibi constitutos contra id quod ab origine ordinis noscitur institutum nec non in vicinos vel mercennarios pro eo quod ipsos ad laborandum adjuvant seu benefactores suos pro eo quod aliqua ipsis beneficia vel obsequia obsequiose studio caritatis impendant aut in aliquem de ipsorum familia quamdiu in eorum fuerit famulatu pro eo quod decimas juxta quod eorum ordini indultum est non persolvunt vel aliquid aliud ipsis ab Apostolica concessum interdicti vel excommunicationis sententiam promulgare quidam archiepiscopi episcopi et ecclesiarum prelati ac eorum officiales [tam in Imperio quam in regno Francie existentes] in premissas per sonas et alias que ipsis vel emendo seu vendendo aut molendo in molendinis vel in furnis eorum coquendo aliterque communicant interdicti suspensionis et ex communicationis ferre sententias contra indulta Sedis Apostolice auctoritate propria ne dicamus potius temeritate presumunt ut sic sevientes in istos illos sine culpa culpabiliter puniant innocentes efficientes hoc deterioris conditionis eos quam perfidi sint Judei quos culpa propria perpetue servituti subjectos ex sola misericordia pietas christiana receptat dum eis subtrahunt communionem fidelium qui ab ipsorum Judeorum participio non arcentur Cum igitur nobis principaliter injuriari probentur qui privilegia Sedis Apostolice vel irreverenter impugnant vel superficialiter eorum verba tenentes contra ipsorum gestiunt voluntatem et privilegiatos privilegiorum commodis privare conantur nolentes tam abusivas enormitates seu tam enormes abusus non absque injuria Sedis Apostolice excogitatos equanimiter tolerare manda quatenus inquisita super premissis diligentius veritate sententias si quas in Lugdunensi et Bisuntina provinciis inveneritis sic proferri sine difficultate qualibet penitus relaxantes illos quos eas tulisse con stiterit ad satisfaciendum eisdem abbatibus et hiis in quos late fuerint de dampnis et expensis que occasione hujusmodi subierint monitione premissa districtius quam convenit appellatione remota cogatis processum vestrum nobis fideliter re scripturi ut alias excedentes sic pena castiget quod excessus ulterius non procedat Non obstante constitutione de duabus nec etiam quod tibi fili abbas Cluniacensis sicut dicitur a Sede Apostolica est indultum ut de causis ab ea commissis cognoscere non tenearis invitus Quod si non omnes [] Dat Laterani X kalendas februarii anno septimo