Charter Document - 02194633
| Charter Number: | 02194633 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1233 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Universis Christi fidelibus presentes litteras inspecturis frater A[ymericus] abbas Mauziacensis salutem in Domino Universitati vestre notum facimus quod nos promisimus venerabili abbati patri Cluniacensi et per presentes litteras nos obligavimus eidem quod ipsi vel mandato suo litteras suas quas tam marescallo Alvernie quam Raimondo de Channai tradiderat et per eas se obligaverat eisdem in ducentis libris et viginti Turonensium restituemus immunes et eum a dictis obligationibus liberabimus sine suo costamento ita quod ab ipso vel successoribus suis dicte ducente libre et viginti Turonensium de cetero non petentur nec aliquod costamentum vel damnum pro ipsis In cujus rei testimonium presentes litteras sigilli nostri munimine ipsi domino abbati Cluniacensi tradidimus roboratas Datum apud Castrum in montanis post octabas Pentecostes anno Domini MCCXXX tertio