Charter Document - 02194623
| Charter Number: | 02194623 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1233 |
| Date type: | Internal, Papal |
| Resource Link(s): |
CCE: cartae cluniacenses electronicae |
Charter:
Gregorius Episcopus servus servorum Dei venerabilibus fratribus Archiepiscopis Episcopis et aliis Ecclesiarum Prelatis ad quos iste pervenerint salutem et apostolicam benedictionem Gravem dilectorum filiorum Abbatis et Conventus Cluniacen recepimus questionem quod vos adeo graves existitis in procurationibus ab eorum Domibus et Prioratibus exigendis ut propter hoc non solum earumdem domorum Rectores et Prioratuum bona compellantur exponere verum etiam due partes substantiarum aliquarum Domorum et Prioratuum in talibus expendantur et cum in ipsos pretextu privilegiorum a sede sibi Apostolica indultorum nequeatis Ecclesiasticam exercere censuram illuc dumtaxat ob procurationem solam acceditis in jure diffinito evectionum numero non contenti quare petierunt super hoc sibi salubriter provideri Cum igitur in Generali Concilio provida sit deliberatione statutum ut procurationes que ratione visitationis debentur Archiepiscopis Episcopis Archidiaconis et quibuslibet aliis absque manifesta et rationabili causa nullatenus erigantur et tunc evectionum et personarum mediocritas observetur in Lateranensi Concilio diffinita universitati vestre auctoritate presentium districtius inhibemus ne Domos et Prioratus eosdem in premissis aliquatenus aggravetis contra statuta Concilii memorati Datum Anagnie IV Idus Februarii Pontificatus nostri anno VI