Charter Document - 02194622
| Charter Number: | 02194622 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1233 |
| Date type: | Internal, A.D., Feast |
| Resource Link(s): |
Embedded Document CCE: cartae cluniacenses electronicae |
Charter:
Sanctissimo patri ac domino Cluniacensi abbati frater Guido subprior totusque conventus humilis Novi Monasterii Pictavensis salutem et tam debitam quam devotam domino patri obedientiam Sanctitati vestre notum fieri volumus quod die Dominica post Purificationem beate Virginis Marie una cum domino Orrico cum domino abbate nostro in capitulo nostro simul convenimus et G venerabilis prior Sancti Eut[r]opii Sanctonensis et camerarius vester in Pictavia litteras vestras nobis ex[h]ibuit sub hac forma [] Quarum litterarum auctoritate predictus abbas noster maxima necessitate compulsus et inpotentia sui corporis exigente propria voluntate in presentia vestri camerarii jam dicti administrationi ecclesie sue resignavit Quo facto nobis data a camerario vestro licentia eligendi in septem fratres nostros bone vite et oppinionis vota nostra unanimiter transtulimus qui jurati ecclesie nostre de pastore idoneo providerint secundum quod eis secundum Deum videbitur expedire et nos omnes fidem dedimus volentes dare pacem ecclesie quod electionem ab illis factam ratam et firmam sine reclamatione aliqua haberemus Cum vero postmodum illi septem de electione tractassent in venerabilem fratrem nostrum Fulconem prepositum ecclesie nostre unanimiter consenserunt et eumdem in pastorem ecclesie nostre elegerunt Quam electionem nos omnes unanimiter approbavimus et approbamus Unde sanctitati vestre in quantum possumus supplicamus humiliter et devote quatinus predictum electum nostrum bonum virum et honestum quem vobis per karissimos in Christo fratres Guillermum armarium et J cellerarium ecclesie nostre et per patentes litteras presentamus recipiatis liberaliter et benigne et electionem illius si placet dignemini confirmare scientes pro certo quod nos in ecclesia nostra aliquem habere non credimus qui ad regimen ecclesie nostre tam sit necessarius et honestus Bene et diu valeat in Domino sanctitas vestra Datum die sabbati post festum beati Mathie apostoli anno Domini MCCXXX tertio
Markups
Names Markup:
Sanctissimo patri ac domino Cluniacensi abbati frater Guido subprior totusque conventus humilis Novi Monasterii Pictavensis salutem et tam debitam quam devotam domino patri obedientiam Sanctitati vestre notum fieri volumus quod die Dominica post Purificationem beate Virginis Marie una cum domino Orrico cum domino abbate nostro in capitulo nostro simul convenimus et G venerabilis prior Sancti Eut[r]opii Sanctonensis et camerarius vester in Pictavia litteras vestras nobis ex[h]ibuit sub hac forma []embed Quarum litterarum auctoritate predictus abbas noster maxima necessitate compulsus et inpotentia sui corporis exigente propria voluntate in presentia vestri camerarii jam dicti administrationi ecclesie sue resignavit Quo facto nobis data a camerario vestro licentia eligendi in septem fratres nostros bone vite et oppinionis vota nostra unanimiter transtulimus qui jurati ecclesie nostre de pastore idoneo providerint secundum quod eis secundum Deum videbitur expedire et nos omnes fidem dedimus volentes dare pacem ecclesie quod electionem ab illis factam ratam et firmam sine reclamatione aliqua haberemus Cum vero postmodum illi septem de electione tractassent in venerabilem fratrem nostrum Fulconem prepositum ecclesie nostre unanimiter consenserunt et eumdem in pastorem ecclesie nostre elegerunt Quam electionem nos omnes unanimiter approbavimus et approbamus Unde sanctitati vestre in quantum possumus supplicamus humiliter et devote quatinus predictum electum nostrum bonum virum et honestum quem vobis per karissimos in Christo fratres Guillermum armarium et J cellerarium ecclesie nostre et per patentes litteras presentamus recipiatis liberaliter et benigne et electionem illius si placet dignemini confirmare scientes pro certo quod nos in ecclesia nostra aliquem habere non credimus qui ad regimen ecclesie nostre tam sit necessarius et honestus Bene et diu valeat in Domino sanctitas vestra Datum die sabbati post festum beati Mathie apostoli anno Domini MCCXXX tertio