Charter Document - 02194619
| Charter Number: | 02194619 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1233 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Gregorius Episcopus Servus servorum Dei Dilectis filiis Abbati et Conventui Cluniacensi Salutem et Apostolicam benedictionem Behemoth non contentus quasi bos comedere paleas sed escas electas avide concupiscens venatur instanter animas delicatas non solum impliciter gradientibus ponendo pedicas et laqueos in capturam sed etiam contemplationis gratia in solitudinem advolantibus pretendendo decipulas et seria extendendo Sane dolore confodimur in occulte et rubore perfundimur in aperto quia cum Ordo Cluniacensis in Ecclesie Paradiso dextera divina plantatus a mari usque ad mare protelis palmitibus gratos flores et uberes fractus producere soleret honestatis nunc in amaritudinem aliene vitis aversus producit labruscas stuporem dentibus facientes factus in laqueum et ruinam in lapidem offensionis et petram scandali duabus domibus Israel contemplativis videlicet et activis Domus quoque vestre in multis locis desolate sunt sicut in vastitate hostili et multe derelicte sunt sicut umbraculum in vinea et sicut tugurium in cucumerario et velut civitas que vastatur [] Dat Avenione Idibus Janu Pontificus nostri ann vi