Charter Document - 02194601
| Charter Number: | 02194601 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Appeal |
| Date: | 1230 - 1236 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Reverendo patri ac domino Stephano Dei gratia abbati Cluniacensi frater Henricus humilis prior Sancti Maioli Papiensis cum debita subjectione et reverentia obedientiam usque ad mortem Ecclesia vestra de Pontida que nunc vacat propter prioris absentiam tam in spiritualibus quam temporalibus non modicum recipit detrimentum quoniam tam immensa in partibus illis adhuc viget discordia quod vix aliquis potest illic pertransire quin a propriis rebus spolietur Cum vero institutio prioris ad vos pater sancte specialiter pertineat paternitati vestre humiliter supplico et devote quatinus ejus intuitu cujus misericordie non est numerus talem priorem ecclesie vestre de Pontida preficere dignemini per cujus industriam et sollicitudinem eadem ecclesia tam in spiritualibus quam temporalibus gratum percipere possit et debeat de die in diem incrementum que fere jam ad nihilum est redacta propter guerram que gravis et incomparabilis regnavit in illis partibus et etiam per sex annos et amplius ibi obtinuit principatum Unde ut mihi videtur talem oportet preficere in priorem per quem vestra ecclesia deffendatur et qui possit res ipsius manutenere et salvare Si vero de vestra fuerit voluntate ut prior Lonbardus ibi preficiatur potius consulo ut domus de Pontida priori de Fontenella cujus vita est laudabilis et honesta quam alicui Lonbardo committatur