Charter Document - 02194593
| Charter Number: | 02194593 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1230 |
| Date type: | Internal, A.D. |
| Resource Link(s): |
TELMA - Chartae galliae CCE: cartae cluniacenses electronicae |
Charter:
Ego Johannes comes Cabilonensis omnibus notum facio presentes inspecturis quod cum discordia verteretur inter dominum Landricum de Branciduno militem ex una parte et ecclesiam Cluniacensem ex alia super quadam injuria quam idem miles proponebat et dicebat sibi ab hominibus ville Cluniacensis illatam tandem me et aliis probis viris mediantibus dictus miles dictam injuriam et omnes exactiones sibi et suis inde competentes proprio juramento ecclesie Cluniacensi et hominibus ejusdem ville remisit et quitavit promitens sub eodem juramento quod per se nec per alium Cluniacensem ecclesiam nec homines ejusdem ville nec res eorum de cetero inquietabit nec inquietari sustinebit Et proinde predicta ecclesia dicto militi XX libras Cluniacenses pro bono pacis refudit de quibus garentum suum habuit et recepit Et ego dictus comes ad instantiam et preces prenominati militis me fide jussorem ac responsalem in manu Cluniacensis ecclesie constitui quod super hoc contra dictam ecclesiam et villam et res eorundem per se nec per aliquem aliquo tempore questionem movebit In cujus rei testimonium presentibus litteris sigillum meum apposui Actum anno Domini MCCXXX mense maio