Charter Document - 02194585
| Charter Number: | 02194585 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1229 |
| Date type: | Internal, Calendar, Papal |
| Resource Link(s): |
TELMA - Chartae galliae CCE: cartae cluniacenses electronicae |
Charter:
Gregorius Episcopus servus servorum Dei dilectis filiis Abbati et Priori Flaviniacen Eduen Dioc salutem et Apostolicam benedictionem Volentes Clun Monasterio prout debitum sue religionis exposcit specialem favorem et gratiam impertiri super omnibus privilegiis et indulgentiis tam a Romanis Pontificibus quam aliis Ecclesiarum Prelatis necnon Regibus Principibus et quibuscumque aliis concessis eidem Abbatem S Germani de Pratis Parisien et collegas ipsius olim conservatores usque ad quinquennium duximus deputandos Verum quia sicut dilectus filius Cluniacensis Abbas nobis exposuit sibi et aliis Monasterii memorati personis nimis dispendiosum existit recurrere quoties necessitas exigit ad predictos qui ab eis per quinque dietas et amplius sunt remoti super hoc idem Abbas a nobis petiit provideri Nos igitur super hoc providere volentes vos ad quos cum viciniores sitis ut dicitur commodius poterunt habere recursum loco illorum duximus subrogandos ut iuxta formam illis traditam cum expedierit procedatis Datum Perusii II nonas Decembris Pontificatus nostri anno III