Charter Document - 02194584
| Charter Number: | 02194584 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1229 |
| Date type: | Internal, A.D. |
| Resource Link(s): |
TELMA - Chartae galliae CCE: cartae cluniacenses electronicae |
Charter:
Universis presentes litteras inspecturis Stephanus prior Silviniacensis tenens castrum Berciaci salutem in Domino Universitati vestre notum facimus quod super querela quam Paganus de Petra Clausa et Guido ejus filius et Petrus de Sancto Laurentio gener ejusdem Pagani versus ecclesiam Cluniacensem moverant occasione occisionis Jacobi filii dicti Pagani et super aliis querelis quas dictus Paganus et alii prenominati contra eamdem ecclesiam Cluniacensem habebant vel habere poterant item super querelis quas ecclesia Cluniacensis versus eosdem occasione forefactorum proinde commissorum habebat vel habere poterat in nos fuit compromissum juramento hinc et inde prestito et fidejussoribus datis ex parte ecclesie domino Joceranno de Marziaco milite Duranno preposito de Blanusco et Gaufrido ejus fratre ex parte Pagani et suorum domino Maiolo de Vinceles domino Guigone de Brueria domino Hugone de Chaintrie militibus et Guigone de Vinceles domicello sub hac forma quod quicquid super premissis querelis dixerimus partes sub juramentis prestitis et fidejussoribus datis tenentur observare et si Paganus vel sui a dicto nostro resilierint vel contra venerint fide jussores pro eo dati juramento tenentur apud Berziacum tenere ostagia donec de dampnis et deperditis proinde factis ecclesie Cluniacensi plenarie fuerit satisfactum Idem de fidejussoribus ecclesie Cluniacensis si a dicto nostro presumserit resilire Nos vero auditis rationibus partium de consilio domini Maioli de Vinceles et domini Joceranni de Marziaco ad hoc a partibus deputatis et aliorum militum fidelium nostrorum dictum nostrum pronuntiavimus in hunc modum quod prenominati Paganus Guido filius ejus et Petrus de Sancto Laurentio ecclesiam Cluniacensem de querela occasione dicti Jacobi occisionis et aliis querelis quas versus ecclesiam Cluniacensem tunc habebant vel habere poterant quictarent precise et absolute et pacem proinde in perpetuum tenerent et observarent ecclesie Cluniacensi hominibus et rebus ejusdem exceptis illis qui occisionis dicti Jacobi culpabiles asseruntur videlicet Naaul Johanne Chanuto Vincentio la Gayte et Petro Larberester et octo aliis nominandis de quibus octo si quis ad cognitionem curie nostre pugnare vel excussare se poterit immunis erit et in pace ista includetur alioquin a pace excluditur Et prenominatos quatuor ac alios qui se pugnare vel excussare ad curiam nostram non poterunt ecclesia Cluniacensis non tenebit nec receptabit Item ecclesia Cluniacensis pro dicto Jacobo occiso quoad divinum officium faciet quasi pro uno fratre monacho defuncto et insuper receptabitur Item ecclesia Cluniacensis pro dicto insuper sexaginta et quindecim libras Cluniacenses dicto Pagano et suis dabit et refundet Et Paganus et nominati hanc pacem coram omnibus querelantibus publice debet protestari et inhibere ac contradicere ac bona fide disturbare ne ecclesia Cluniacensis occasione premissarum querelarum de cetero molestetur et requirere a priore Sancti Petri Masticonensis ut super pace ista ecclesie Cluniacensi litteras suas tradat et concedat Hoc dictum nostrum ecclesia Cluniacensis pro sua parte Paganus et sui pro sua parte sub juramentis prestitis et obligatione fidejussorum acceptaverunt et approbaverunt In cujus rei testimonium sigillum nostrum presentibus duximus apponendum Actum anno Domini millesimo CC vicesimo nono mense augusti