Charter Document - 02194579
| Charter Number: | 02194579 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Dispute |
| Date: | 1228 - 1230 |
| Date type: | Assigned |
| Resource Link(s): |
TELMA - Chartae galliae CCE: cartae cluniacenses electronicae |
Charter:
Viris venerabilibus religiosis et honestis priori Cluniacensi priori claustrali et consociis in ordine frater S[tephanus] prior Karitatis salutem et obedientiam in omnibus sine differentia preparatam Noscat vestra benignitas quod super illud quod nuper eventum est in ecclesia Cluniacensi noster plus nimio turbatur animus Sed quoniam illud quod factum est non potest non fieri nec ad voluntatem instantium emendari inde est quod paternitati vestre notificamus quod quamdiu dominus Rolandus Cluniacensem rexit ecclesiam nullum prorsus contra S condam de Karitate priorem ad curiam Romanam transmisimus defensorem eo quod ipse dominus Rolandus chamerarius Karitatensis tanquam suam propriam defendere cupiebat Et quoniam propter ipsius mutationem versa est cithara nostra in luctum dilectionem vestram modis omnibus quibus possumus exoramus quatinus per nuntios vestros si quos ad curiam transmiseritis domino B[artholomeo] electo Cluniacensi suggerere faciatis ut ecclesiam de Karitate in tanta tribulatione positam tanquam suam propriam non deserat indefensam Et quoniam tantus labor non potest sine magna missione perfici nos qui sui sumus et vestre semper obedientes voluntati sumptus et missiones quas pro causa Karitatis fecerit voluntati ipsius parati erimus resarcire Super hoc vero benignitatem ipsius amore Dei et nostrarum precum interventu attentius rogare dignemini ut ipse super hoc tantam imponat industriam ut ad honorem sui et ecclesie Cluniacensis atque Karitatis conveniat et nostri qui semper fuimus sumus et erimus ecclesie Cluniacensis honorem pro posse nostro pre omnibus firmiter observantes Et super hoc quod ex parte nostra vobis lator presentium dixerit fideliter credatis