Charter Document - 02194558
| Charter Number: | 02194558 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1228 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Ego H de Marreniaco prepositus ecclesie Eduensis notum facio universis litteras presentes inspecturis quod ita convenimus super partem illam quam habet domus de Magobrio in villa Manleti inter me et priorem et monachos de Magobrio Concesserunt mihi in vita mea quicquid illic habebant vel habere debebant in villa de Manleto sub annuo censu quingentorum solidorum Divionensium solvendorum illis duobus terminis per annum in festo Sancti Lazari medietatem ad Carnisprivium post aliam medietatem secundum quod in presentia venerabilium dominorum et amicorum nostrorum domini scilicet S archidiaconi Flaviniacensis et domini Riverii abbatis Cerviduni et domini J de Marreny canonici Eduensis Et hoc sciendum quod teneor super hanc pactionem dare litteras domini episcopi Eduensis et ducis Burgundie itemque litteras archidiaconi Eduensis et archidiaconi Belnensis plenarie confectas Et hoc tactis sacrosanctis evangelii[s] promisi bona fide facere et observare et alteram partem quam tenet vigeria Eduensis pro posse meo facere monachis rehabere Quod ut ratum et firmum de cetero habeatur litteras presentes eisdem fratribus de Magabrio dedimus sigilli nostri conamine roboratas Datum Edue anno Domini MCCXXVII mense januario