Charter Document - 02194551
| Charter Number: | 02194551 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1226 |
| Date type: | Internal, A.D., Feast |
| Resource Link(s): |
CCE: cartae cluniacenses electronicae |
Charter:
Ego A[lix] nobilis domina ducissa Burgundie universis presentes litteras inspecturis salutem in Domino Universitati vestre notum facimus quod cum nobilis domicellus Johannes de Nublens versus ecclesiam Cluniacensem questionem moverit super eo quod proponebat quendam burgensem Cluniacensem videlicet Willermum de Bosco convicia et graves injurias sibi intulisse et super eo quod infra treucas captus fuerat et male tractatus ut dicebat tamdem venerabili episcopo Cabilonensi et quibusdam aliis probis viris mediantibus compositum est in hunc modum quod dictus Johannes premissas querelas et omnes alias versus ecclesiam Cluniacensem vel ejus homines motas eidem ecclesie quitavit et remisit et proinde ecclesie et ville Cluniacensis hominibus et rebus eorum et precipue Duranno de Blanusco et omnibus aliis qui ejus captioni interfuerunt de se et de omnibus suis pacem in perpetuum tenendam in presentia nostra juravit salvo fundo terre et jure suo In cujus rei testimonium presentibus litteris sigillum nostrum apposuimus Actum anno gratie MCCXXVI Datum aput Belnam sabbato ante dominicam qua cantatur Letare Jerusalem