Charter Document - 02194549
| Charter Number: | 02194549 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1226 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Ego Mathildis comitissa Nivernensis omnibus notum facimus tant presentibus quam futuris quod nos pro remedio anime nostre et Hervei bone memorie condam comitis Nivernensis et domini et mariti nostri dedimus et concessimus ecclesie Beati Petri Cluniacensis pro anniversariis nostris annuatim in ipsa ecclesia celebrandis decem libras redditus cursualis monete in censa Dissisie post decessum nostrum annuatim in perpetuum percipiendas Volumus siquidem et precipimus ut episcopus qui pro tempore erit ponat sententias excommunicationis in personas heredis aut successoris nostri et interdicti in terram ipsius si contra donum istud ullo modo ire attemptaverit nec ipsa relaxetur quousque dicte ecclesie de dicto redditu ad plenum fuerit satisfactum Quod ut ratum permaneat presentes litteras fecimus sigilli nostri munimine roborari Actum anno Domini MCCXXVI