Charter Document - 02194531
| Charter Number: | 02194531 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1222 |
| Date type: | Internal, Papal |
| Resource Link(s): |
CCE: cartae cluniacenses electronicae |
Charter:
Honorius Episcopus seruus seruorum Dei dilectis filijs Abbati et Conuentui Molismensi salutem et Apostolicam benedictionem Cum olim per litteras et nuntios vestros supplicasset is instanter adjuti testimonijs et intercessionibus plurimorum vt sancte memorie beatum Robertum cuius corpus in vestra requiescens Ecclesia multis et magnis miraculis coruscabat Sanctorum catalogo ascribere deberemus Nos ne in lauto negotio videremur vti aliqua leuitate tam devita ipsius quam de miraculis per venerabiles fratres nostros Lingonensem et Valentinensem Episcopos mandauimus inquiri cum adid vt aliquis habeatur Sanctus in Ecclesia militanti necesse sit ut et vere fidei qua per dilectionem operatur sana merita cum perseuerantia finali precedant et clara miracula subsequantur nec alia fine alijs plene sufficiant ad indicium Sanctitatis eo quod nonnulli faciunt opera sua vt videantur ab hominibus et nonnumquam Angelus sat bane se in lucis Angelum transfigurans hominibus frequenter illudit sicut de Magis legitur Pharaonis Cum itaque inquisitores predicti nobis super his plene rescripsissent veritatem quia licet nobis quedam miracula qua post mortem fecerat inii marini de his tamen qua in vita fecisse dicitur fidem plenarium non fecerunt Nos ne precibus vestris videremur omnino deesse concedimus vobis vt eum tanquam Sanctum vestra in Ecclesia venerantes eius apud Deum suffragia fiducialiter imploretis Datum Laterani vj Idus Ianuar an vj