Charter Document - 02194489
| Charter Number: | 02194489 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1214 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Notum sit omnibus presentes litteras inspecturis quod ego R humilis Moisiacensis abbas tactis sacrosanctis evangeliis juravi in presentia venerabilis patris nostri domni Guillermi Cluniacensis abbatis stare precise absque omni reclamatione mandato ipsius abbatis Cluniacensis tam super renuntiatione abbatie Moisiacensis quam super correctione et ordinatione et super aliis querelis contra me propositis coram ipso Hoc idem juraverunt socii nostri Robertus et Petrus quantum in ipsis est se servaturos In cujus rei testimonium presenti cartule sigillum nostrum apposui Rogavimus etiam venerabiles viros H de Caritate et J Sancti Martini de Campis priores et magistrum R decanum Cluniacensem et magistrum Johannem Galoni canonicum Bituricensem archidiaconum de Versena et magistrum Aimonem qui presentes erant ut litteris presentibus sigilla sua apponerent et ipsi rogatu nostro apposuerunt Actum anno gratie MCC quarto decimo mense februario