Charter Document - 02194459
| Charter Number: | 02194459 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Testimony |
| Date: | 1211 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Sanctissimo patri et domino I[nnocentio] Dei gratia sacrosancte Romane ecclesie summo pontifici frater Hulricus Novi Monasterii Pictavensis humilis minister et ejusdem grex pusillus cum omni filiali subjectione oscula pedum Quia filiorum veritatis est fidele veritati testimonium perhibere presertim in vestra presentia coram quo mentiri non licet pater sancte cum sitis scrinium sapientie lex animata jus vivum et ipsius vicarius veritatis paternitati vestre fideliter intimamus et tam universi quam singuli verissime confitemur abbatiam nostram Novi Monasterii Pictavensis ab ipso sue fundationis exordio de ipsius donatione fundatoris et Romanorum concessione pontificum Cluniacensi ecclesie immediate subjectam ita quod nulli alii salva in omnibus sedis apostolice auctoritate et abbates Cluniacenses in ecclesia nostra auctoritate privilegiorum suorum usque ad ista moderna tempora tam in promotione abbatum quam in institutione priorum in capitulo correctione et aliis jurisdictionem plenam exercuisse nos vero tanquam filios humiles et devotos in plena obedientia et subjectione omnimoda permansisse In hujus rei testimonium presentem paginam sigillis nostris duximus muniendam maxime hiis temporibus cum inter venerabilem patrem nostrum abbatem Cluniacensem et matrem nostram Cluniacensem ecclesiam ex una parte et Pictavensem episcopum et ecclesiam suam ex altera super subjectione monasterii nostri coram vobis questio ventiletur Supplicamus igitur sanctitati vestre quatinus matri nostre ecclesie Cluniacensi jus suum immo nostrum cum a vobis habeat conservari pater sancte conservare dignanter velitis presentibus litteris nihilominus intimantes quod quicquid super hoc egerit lator presentium procurator et syndicus ecclesie Cluniacensis ratum habemus