Charter Document - 02191764
| Charter Number: | 02191764 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1240 |
| Date type: | Internal, A.D., Feast |
| Resource Link(s): |
Reference Document for this Embedded Document CCE: cartae cluniacenses electronicae |
Charter:
Universis presentes litteras inspecturis Guillermus de Karitate et Evrardus Sancti Martini de Campis priores salutem in Domino Notum facimus quod cum dilectus noster B clericus domini comitis Atrebatensis peteret a venerabili patre abbate Cluniacensi prioratum de Morlens La[s]currensis diocesis sibi ad vitam suam concedi et idem hoc venerabilis pater in nostra dispositione et ordinatione posuisset scilicet quod dictum prioratum ei concederemus si videremus expedire nos in hoc bonum dicti prioratus attendentes ipsum prioratum cum ejus pertinenciis dicto B ad vitam suam duximus concedendum sub hac forma videlicet quod ipse duobus monachis qui ibi deservient vite necessaria ministrabit et dictum prioratum in eque bono statu conservabit in quo est modo ad ecclesiam Cluniacensem post ejus decessum cum omni melioratione reversurum et quod post ejus decessum ad ecclesiam Cluniacensem cum melioratione revertatur litteras archiepiscopi Auscensis nobis faciat haberi atque censam dupplicabit quam Parisius apud Sanctum Martinum de Campis reddet in festo Sancti Martini estivalis annuatim quandiu dictum prioratum tenebit bonaque ipsius prioratus non alienabit non infeodabit non impignorabit nec ad censum dabit et jura et privilegia dicti prioratus pro posse suo defendet In cujus rei testimonium presentes litteras sigillorum nostrorum munimine duximus roborandas Datum anno Domini MCCXL in crastino sanctorum Jacobi et Christofori