Charter Document - 02184469

Cum intonante tuba apostolici culminis valde certum sit multorum ex abundasse malitiam et ideo plurimorum emarcuisse justiciam nobis vero qui defectu dierum succedente ultima in tempora sumus devecti id ipsum sole lucidius patet enimvero plerique malignitatis imitatores effecti hostis potius quam ostii Christi videlicet Domini nostri qui dicit Ego sum ostium jussa sectantes dum prava mente cedo corde contortis gressibus ad malum currunt quosque possunt socios post se trahere non neglegunt Quorum pro certo perversitas satis sibi sufficiens foret nisi hoc eis ex tocius iniquitatis patre accidisset Illi etenim consuetudinis est non solum bona non agere verum etiam agentibus invidere et invidendo sanctis conatibus eorum contraire Unde in tantum nonnullorum excrevit vesania ut exteriorem sancte ecclesie ornatum elemosinas scilicet justorum quibus ad tempus alitur congregatio fidelium cum per se non possunt fidissima societate et nequissimo ingenio evertere contendunt Quas proinde cultores inperitarum voluptatum licet divina presule potencia funditus extirpare nequeant circum substancias tamen quibus subsistere videntur conscripciones videlicet per quas nobis cerciores redduntur aut ipsi male tractando perditum in sinunt aut coequalibus suis malesano intellectu venundare presumunt Qua de re beati Gregorii vita astipulante quendam presbiterum suo preposito persuasisse cognoscimus quatinus distractis sanctarum donationum cartulis ipsi ditiores fierent non parvi quantitate facinoris Sed Deus ultor malorum qui nullum peccatum dimittit inultum presumpcioni inique extemplo finem imposuit promeritum ipsi namque pro debito teterrimas luentes pinas nobis sue perdicionis et nostre doctrine non parva relinquentes documenta Quapropter ne et nos socordie eorum participes efficiamur donationes cunctas pio justorum voto retroactis temporibus nostro monasterio collatas et veneranda priorum sagacitate plurimis in scedulis nobis relinctas uno in volumine decrevimus congregare et queque singulorum abbatum tempore data sunt proprio libello denotare quatinus ex hoc nostra comprobetur industria et posteris nostris non minima reservetur utilitas Siquidem ad hoc opus aggrediendum provocavit nos patris Odilonis venerabilis instancia et maxime quarundam ipsarum cartularum perdicio que nostrorum tempore venerat nam plurime earum varia per loca deportate aut portitorum neglegentia deperisse aut vetustate sui et diminutione dinoscuntur esse consumpte Igitur exordium nostre narrationis tempus et gesta domni continebit Bernonis et quomodo ipse dono Willelmi excellentissimi principis nostro loco donatus eum proprio alodio quod Ala fracta dicitur nobilitavit et queque ejus tempore precepta regum vel privilegia pontificum acta sunt series primi libri dilucide approbabit Si quis vero divino afflatu spiramine hanc nostram descriptionem amplificare studuerit reddat ei Deus pro mercede bravium regni celestis Sin autem quis presumptor aliquid demere vel supprimere temptaverit conatu illius ad nichilum redacto eum pone excipiant eterne