Charter Document - 02184460
| Charter Number: | 02184460 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1110 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Ego Robertus comes Flandrie omnibus sancte ecclesie filiis Notum sit generationi omni que ventura est quod ego et uxor mea Clementia novam terram nomine Sandeshove que per iactum maris iam crevit et quicquid in posterum accrescet super fluvium Ysare sitam sancte Marie in Broburg in usum sanctimonialium ibidem Deo famulantium integre donavimus Quod ne quis sancte Marie ecclesie inimicus imposterum audeat infringere aut minuere sigilli mei impressione confirmavi Actum Bergis anno Domini MCXII vi kalendas Iunii sub testimonio Bernardi capellani Fromoldi notarii Theoderici notarii Reineri de Wingni Balduini camerarii Reingeri dapiferi Theobaldi de Aria Ade de Formasela Hugonis camerarii Rodolfi de Batpalmis Roberti Greci Fromoldi de Wingni Reingoti de Molembeke Rodolfi de Coclare Froolfi castellani de Bergis