Charter Document - 02184446
| Charter Number: | 02184446 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1208 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
R Dei gratia prime Lugdunensis ecclesie minister humilis et W ejusdem ecclesie dictus decanus venerabili abbati [Menatensis monasterii] et conventui ejusdem loci inobedientiam et rebellionis semitam declinare Satis constat quod precibus venerabilis amici nostri domini Claromontensis episcopi detulimus vobis in quantum potuimus et adhuc nisi instaret domini Cluniacensis instantia qui in vobis et in ecclesia vestra subjectionis et obedientie jus reclamat ei cuperemus deferre Unde cum nobis de rebellione vestra et inobedientia plenius innotescat nec possimus vobis deferre ulterius nisi summi pontificis offensam vellemus incurrere in eandem excommunicationis sententiam qua vos absolvimus post prestitam juratoriam cautionem ut nostro pareretis mandato reduximus vobis auctoritate apostolica nobis in hac parte commissa districtius injungentes ut ipsam excommunicationis et interdicti sententiam in vos et ecclesiam vestram latam inviolabiliter observetis quandiu abbatem et ecclesiam Cluniacensem in adjudicata sibi quasi possessione duxeritis perturbandos Ut autem fides certior habeatur rem taliter processisse presenti carte in testimonium sigillum nostrum nos archiepiscopus Lugdunensis duximus apponi