Charter Document - 02184441
| Charter Number: | 02184441 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Dispute |
| Date: | 1208 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
R[ainaldus] Dei gratia prime Lugdunensis ecclesie minister humilis et S decanus karissimo in Christo abbati de Benedictione Dei salutem in Domino Causa que inter Cluniacum et Menatense monasterium de vice summi pontificis coram nobis diutius laboravit post multas dilationes et dies eo usque processit quod pars utraque in villa de Cuciaco sub vestra presentia testium illorum productionem faciendam assensit qui de diversis partibus evocandi sine gravi dispendio ad nostram non possunt presentiam laborare Ea propter vice nobis commissa discretioni vestre duximus committendum quatinus in villa predicta partibus ad vestram presentiam constitutis testes utriusque partis cum diligenti recipiatis examinatione ad diem quam eis in octavis beati Johannis Baptiste super principali negotio prefiximus clausa nobis et consignata universa transmittentes que hinc inde coram vobis fuerint testificata